वेताळवाडी धरणाचे नामकरण “लोकनेते बाबुरावजी काळे जलाशय”, जलपूजन ही संपन्न…

सोयगाव दि. ०९ (प्रतिनिधी) सोयगाव तालुक्याची जिवन वाहिनी असलेल्या सोना नदीवरील, तालुक्यास सिंचित करणाऱ्या वेताळवाडी मध्यम प्रकल्पावर दि. ०९ सोमवारी  विधिवत ब्राम्हण साक्षीने, जलदेवता इंद्र सुक्त मंत्र व गायत्री मंत्राच्या जयघोषात मा. जि. प. सदस्या पुष्पाताई काळे यांच्याहस्ते जलपूजन करण्यात आले. “नमामी गंगा” या संकल्पनेस अनुसरून “नमामी सोना” हा कार्यक्रम  पार पडला. नदी ही सुवासिनी असून तिचे सुवासिनीत्व हजारो वर्ष प्रवाहित असण्यात आहे. म्हणून तिची पुष्पा ताई काळे यांनी खना नारळाने ओटी भरली.

तालुक्यातील शेतकरी, कष्टकरी सुखी होऊ दे, मुक्या जनावरांची, वन्यजीवांची माणसांची तहान भागू दे हेच साखळं व मागणं  सोयगावच्या जनतेच्या वतीने करण्यात आले. असे भाजपच्या जिल्हा महिला आघाडी अध्यक्षा व मा. जि. प. सदस्या पुष्पाताई काळे यांनी सांगितले. लोकनेते, सहकार महर्षी स्व. बाबुरावजी काळे यांचे या मातीस अमृततुल्य योगदान असून त्यांनीच हे वेताळवाडी धरण बांधले आहे. व सद्या त्यांचे जन्मशताब्दी वर्ष सुरू असून त्या निमित्ताने त्यांच्या  कार्याचा गौरव म्हणून या धरणास सर्वानुमते जनतेच्या मागणी नुसार पुष्पा काळे यांच्या संकल्पमेतून व सर्व पक्षीय पदाधिकारी यांच्या सहमतीने “लोकनेते बाबुरावजी काळे जलाशय” हे नाव देण्यात आले व तसा फलक ही त्या भागात लावण्यात आहे.

यावेळी माजी नगराध्यक्ष कैलास काळे, सुनिल गावंडे, राष्ट्रवादीचे (शरद पवार गट) तालुकाध्यक्ष इंद्रजित सोळंके, भाजप तालुकाध्यक्ष बद्री हजारी, काँग्रेसचे तालुकाध्यक्ष राजेंद्र काळे, भाजपाचे जेष्ठ नेते वसंत बनकर, राष्ट्रवादी शहराध्यक्ष (शरद पवार गट) रवि काळे, भाजप शहराध्यक्ष योगेश पाटील, युवा मोर्चा शहराध्यक्ष मयूर मनगटे, शिवसेना (उबाठा) शहरप्रमुख रवींद्र काटोले, विजयजी गव्हाड, दिपक देशमुख, अरुण काळे, संजय तायडे, मुन्ना ढगे, अनिस तडवी, समाधान आगे, कृष्णा पाटील, नागरिक व तालुक्यातील शेकडो कार्यकर्ते उपस्थित होते.